بلوچستان کے علاقے موسیٰ خیل میں دہشت گردی، 23مسافروں کو گاڑیوں سے اتار کر قتل کر دیا گیا

بلوچستان میں جاری بد امنی میں مزید اضافہ ہو گیا ہے آج موسیٰ خیل کے علاقے راڑہ شم میں 23 مسافروں کو گاڑیوں سے اتار کر قتل کر دیا گیا۔ایس ایس پی موسیٰ خیل ایوب اچکزئی کے مطابق تمام افراد کو ٹرکوں اور مسافر بسوں سے اتار کر فائرنگ کر کے قتل کیا گیا۔مسافروں کو باقاعدہ شناخت کے بعد قتل کیا گیا۔ایوب اچکزئی کا کہنا ہے کہ مسلح افراد نے بین الصوبائی شاہراہ پر ناکہ لگاکر مسافروں کو بسوں سے اتارا۔ان کا بتانا ہے کہ مسلح افراد نے 10 گاڑیوں کو بھی آگ لگادی، پولیس، لیویز موقع پر پہنچیں اور لاشوں کو ہسپتال منتقل کر دیا گیا ۔پولیس حکام کا کہنا ہے کہ واقعے کی مزید تحقیقات کا آغاز بھی کر دیا گیا ہے۔