یمن کے دارالحکومت پر امریکہ کا ہوائی حملہ، 8دھماکے سنے گئے

یمنی ذرائع کے مطابق صنعاء شہر کے مختلف علاقوں میں کم از کم 8 دھماکے سنائے گئے ہیں۔ یمن کے ٹی وی چینل المسیرہ نے صنعاء شہر پر ہوائی حملے کی خبر دی ہے؛ مقامی ذرائع کے مطابق، آٹھ دھماکوں سے یمن کی دارالحکومت لرز اٹھی ہے۔غیر رسمی ذرائع نے اطلاع دی ہے کہ صنعاء کے شمالی حصے میں واقع معین علاقے میں پہلی ڈویژن کا ہیڈکوارٹر اور الصیانہ گیریژن کو نشانہ بنایا گیا ہے۔المسیرہ نے اعلان کیا کہ یمن کے شہر صنعاء کے مرکز میں دفاعی وزارت کی عمارت (مجتمع العرضی) کو دو حملوں کا نشانہ بنایا گیا ہے۔المسیرہ نے یہ بھی رپورٹ دی ہے کہ الثورہ علاقے میں ایک فوجی صنعتی کمپلیکس جسے "کمپلیکس 22 مئی” کہا جاتا ہے، چھ حملوں کا نشانہ بنایا گیا ہے۔کچھ ذرائع بشمول اسکائی نیوز نے کہا ہے کہ یہ حملہ لڑاکا طیاروں سے نہیں بلکہ امریکی بحری جہاز سے میزائل داغ کر کیا گیا ہے۔کچھ یمنی ذرائع نے اعلان کیا ہے کہ صنعاء کے علاوہ، یمن کے مغربی حصے میں واقع الحدیدہ صوبے کے التحیتا علاقے کو بھی دو ہوائی حملوں کا نشانہ بنایا گیا ہے۔ٹی وی چینل المیادین نے یہ بھی خبر دی ہے کہ یہ حملہ امریکی-برطانوی متجاوز اتحاد کی طرف سے کیا گیا ہے اور اسرائیل کا ٹی وی چینل 12 نے دعویٰ کیا ہے کہ اس رجیم نے اس ہوائی حملے میں کوئی کردار ادا نہیں کیا۔
لیکن اس دوران، انصار اللہ تحریک کے سیاسی دفتر کے رکن حزام الاسد نے العربی ٹی وی چینل کو بتایا کہ امریکہ اور برطانیہ غزہ سے یمن کی حمایت اور تعاون کو روکنا چاہتے ہیں، لیکن یہ حملے کبھی اس مقصد میں کامیاب نہیں ہوں گے۔یمن پر امریکی متجاوزانہ حملے اس کے بعد ہوئے ہیں جب یمنی مسلح افواج کے ترجمان بریگیڈیئر جنرل یحیی سریع نے امریکی بحری طیارہ بردار بحری جہاز یو ایس ایس ہیری ٹرومن کو بحیرہ احمر میں میزائل اور ڈرون حملے سے نشانہ بنانے کا اعلان کیا تھا۔انہوں نے یہ بھی اعلان کیا کہ یمنی افواج نے مقبوضہ تل ابیب اور جنوبی بیت المقدس کے مقبوضہ علاقےپردو بیلیسٹک میزائلوں سےدوخصوصی فوجی آپریشن انجام دیئے۔ انہوں نے کہا،پہلے آپریشن میں ہم نے مقبوضہ یافا میں بن گوریون ایئرپورٹ کو فلسطین 2 نامی الٹراساؤنڈ بیلیسٹک میزائل سے اور دوسرے آپریشن میں ہم نے جنوبی بیت المقدس کے اشغالی علاقے میں اسرائیلی رژیم کی بجلی گھر کو ذوالفقار نامی بیلیسٹک میزائل سے نشانہ بنایا۔تیسرے آپریشن میں جو کہ یمنی فوج کے بحری، میزائل اور ڈرون فورسز کے مشترکہ طور پر کیا گیا تھا، امریکی بحری جہاز یو ایس ایس ہیری ٹرومن کو کئی کروز میزائلوں اور ڈرونز سے نشانہ بنایا گیا۔