سینکڑوں اسرائیلی جنگی پائلٹوں نے فضائیہ کے کمانڈر کو بھیجے گئے ایک خط میں غزہ کی پٹی میں جاری جنگ روکنے کا مطالبہ کیا ہے۔ خط میں کہا گیا ہے کہ غزہ کی پٹی میں جاری جنگ بنیادی طور پر سلامتی کے بجائے سیاسی مفادات کی پیروی کرتی ہے۔انہوں نے اس بات پر زور دیا کہ جنگ جاری رکھنے سے نہ صرف مطلوبہ اہداف کو حاصل کرنے میں مدد نہیں ملے گی بلکہ اس سے اسرائیلی قیدیوں کی جان کو خطرہ ہے جب کہ فوجیوں اور شہریوں کی ہلاکتوں میں اضافہ ہوگا۔اسرائیلی میڈیا نے آگاہ کیا ہے اس خط پر ایئر فورس کے کمانڈر ٹومر بار نے شدید برہمی کا اظہار کرتے ہوئے دستخط کنندگان کو ملٹری سروس سے برخاستگی کی دھمکی دی اور اس اقدام کی چھان بین کے لئے آرمی چیف کی موجودگی میں اجلاس منعقد کیا گیا۔اسرائیلی ٹی وی چینل 12 نے بتایا کہ اس خط پر فضائیہ کے سینکڑوں اہلکاروں نے دستخط کئے ہیں۔
اسرائیلی پائلٹوں کا جنگ جاری رکھنے سے انکار، فضائیہ کے کمانڈر کو خط لکھ دیا
Date:
