لندن میں فلسطینیوں کے لیے فنڈ ریزنگ کانسرٹ، 2 ملین ڈالر جمع

لندن کے ویمبلی ایرینا میں ’Together for Palestine‘ فنڈ ریزنگ کانسرٹ کے ذریعے فلسطینی عوام کی امداد کے لیے خطیر رقم جمع کی گئی۔ اس موقع پر ہزاروں افراد نے شرکت کر کے فلسطین سے یکجہتی کا اظہار کیا۔
کانسرٹ میں باسٹیل، جیمز بلیک، پالوما فیتھ اور کئی فلسطینی فن کاروں نے پرفارم کیا، جبکہ ایک نوجوان گلوکارہ نے خصوصی نغمہ پیش کر کے حاضرین کو جذباتی کر دیا۔تقریب میں معروف اداکارہ فلورنس پُو، نِکولا کاگلین، بینیڈکٹ کمبر بیچ، صحافی مہدی حسن اور اقوام متحدہ کی نمائندہ برائے فلسطین فرانسسکا البانیز نے خطاب کیا۔ مقررین نے عالمی برادری پر زور دیا کہ وہ فلسطین کے حق میں آواز بلند کرے اور انسانی بحران کے خاتمے کے لیے فوری اقدامات کرے۔صحافی مہدی حسن نے عوام سے فلسطینی عوام کے لیے متحد ہونے کی اپیل کی، جبکہ برائن اینو کی قیادت میں جمیلا جمیل نے اعلان کیا کہ اس فنڈ ریزنگ کے دوران 2 ملین ڈالر جمع ہو چکے ہیں۔