مصر اور اسرائیل میں کشیدگی بڑھ گئی،مصری فوج سرحد پر تعیینات

قطر پر اسرائیلی حکومت کی جارحیت کے بعد عرب ممالک اور اسرائیلی حکومت کے درمیان کشیدگی میں اضافہ ہوا ہے۔ تازہ اطلاعات کے مطابق مصر نے صحرائے سینا میں مقبوضہ فلسطین کی سرحد کے قریب اپنے فوجی اہلکار تعینات کر دیے ہیں۔ذرائع کے مطابق، صہیونی فوج کی جانب سے غزہ میں گدعون چیرئٹس 2 آپریشن کے بعد غزہ کے رہائشیوں کو جبری بے دخل کرنے کی کوششوں کا مقابلہ کرنے کے لیے مصر خود کو تیار کر رہا ہے۔ عرب میڈیا کے مطابق صحرائے سینا میں مصر نے دفاعی آلات نصب کرنے کے ساتھ ساتھ تقریباً 40 ہزار فوجی اہلکار بھی تعینات کر دیے ہیں۔اس سے قبل مصری وزیر اعظم مدبولی نے غزہ سے فلسطینیوں کو جبری بے دخل کرنے کی کوششوں کا مقابلہ کرنے کا عزم ظاہر کرتے ہوئے کہا تھا کہ گریٹر اسرائیل کے نام پر جاری کارروائی کے خلاف مصر کے پاس منصوبے تیار ہیں اور وہ اس کا بھرپور جواب دے گا۔