باجوڑ:فرنٹیئر کور خیبر پختونخوا نارتھ کے زیر اہتمام ایک گرینڈ جرگے کا انعقاد کیا گیا جس میں آئی جی ایف سی نارتھ، سول انتظامیہ، قبائلی عمائدین اور عوام کی بڑی تعداد نے شرکت کی۔اجلاس میں بتایا گیا کہ خوارج کی موجودگی کی اطلاعات پر ان علاقوں میں انٹیلیجنس بیسڈ آپریشنز جاری ہیں تاکہ امن و امان کو یقینی بنایا جا سکے۔اس موقع پر قبائلی عمائدین اور مشران نے وطنِ عزیز کے دفاع کے لیے ہر قربانی دینے اور پاک فوج کے شانہ بشانہ کھڑے رہنے کے عزم کو دہرایا۔ شرکاء نے پاک فوج کی قربانیوں کو بھرپور خراجِ تحسین پیش کیا اور کہا کہ ملک میں امن کے قیام میں فوج کا کردار قابلِ فخر ہے۔جرگے کے دوران عوام کی جانب سے پاکستان اور پاک فوج کے حق میں پرجوش نعرے بلند کیے گئے۔ قبائلی عمائدین اور عوام نے ٹی ڈی پیز کی بروقت واپسی اور جرگے کے انعقاد پر بھی پاک فوج کا شکریہ ادا کیا۔یہ جرگہ اس بات کا مظہر ہے کہ قبائلی عوام دہشت گردی کے خاتمے اور امن کے قیام کے لیے ریاستی اداروں کے ساتھ بھرپور تعاون جاری رکھیں گے۔
باجوڑ کے علاقے ،ماموند میں فرنٹیئر کور خیبر پختونخوا نارتھ کے زیر اہتمام گرینڈ جرگہ
Date:
