پاکستانی فارماسیوٹیکل صنعت نے عالمی سطح پرنئی کامیابیاں حاصل کر لی ہیں۔اسپیشل انویسٹمنٹ فیسلیٹیشن کونسل (SIFC) کے تعاون سے فارما انڈسٹری نے ترقی کا نیا سنگِ میل عبور کیا ہے۔تفصیلات کے مطابق پاکستان کی آٹھ فارما کمپنیوں نے عالمی معیار کی ادویات تیار کر کے بین الاقوامی سطح پر نمایاں شناخت حاصل کی ہے۔ فیصل آباد، لاہور اور گجرانوالہ کی ڈرگ ٹیسٹنگ لیبارٹریز اس کامیابی میں سرفہرست رہیں، جنہوں نے اعلیٰ معیار کی تیاری کو یقینی بنایا۔پاکستانی کمپنیوں کو عالمی ادارہ صحت (WHO)، بین الاقوامی انسپیکشن اسکیم اور برطانوی کمپنی کی سرٹیفیکیشن حاصل ہوئی ہے، جس سے عالمی منڈیوں میں پاکستان کی ساکھ مزید مضبوط ہوئی ہے۔ادویات کی برآمدات اب امریکہ، یورپ اور خلیجی ممالک کی اعلیٰ منڈیوں تک ممکن ہو گئی ہیں۔ ماہرین کا کہنا ہے کہ یہ پیش رفت فارما انڈسٹری کے آئندہ پانچ سال میں 30 ارب ڈالر کے برآمدی ہدف کے حصول کی جانب ایک بڑا قدم ہے۔فارما صنعت کی اس عالمی کامیابی سے ملکی معیشت اور برآمدات پر مثبت اثرات مرتب ہو رہے ہیں، جبکہ ایس آئی ایف سی کی کاوشوں سے یہ شعبہ مزید ترقی کی جانب گامزن ہے۔
پاکستانی فارما صنعت کی عالمی پذیرائی، معیار اور برآمدات میں نمایاں اضافہ
Date:
