چیئرمین پاکستان کرکٹ بورڈ محسن نقوی نے انڈر 19 ایشیا کپ 2023 کے فائنل میں بھارت کو شکست دینے والی فاتح پاکستان ٹیم کے ہر کھلاڑی کو 50 لاکھ روپے انعام دینے کا اعلان کیا۔
پی سی بی چیئرمین نے فائنل میں روایتی حریف بھارت کو ہرانے کے بعد فاتح کھلاڑیوں سے ملاقات کی اور ان کی شاندار کارکردگی کو سراہا۔
محسن نقوی نے کہا کہ یہ کامیابی ٹیم کی بہترین حکمت عملی اور غیر معمولی ٹیم ورک کا نتیجہ ہے، اور سمیر منہاس کی بیٹنگ خاص طور پر قابل تعریف رہی۔
انہوں نے مزید کہا کہ بیٹنگ، بولنگ اور فیلڈنگ میں کھلاڑیوں کی عمدہ کارکردگی نے فتح دلائی، اور یہ جیت شائقین کرکٹ کے لیے خوشی اور فخر کا لمحہ ہے۔
پی سی بی کے رائزنگ اسٹارز پروگرام میں کی جانے والی سرمایہ کاری آج شاندار جیت کی صورت میں سامنے آئی، جو قابل تحسین ہے۔
