میاں صاحب بس آپ چوتھی بار منتخب ہوکر دکھائیں

 چیئرمین پاکستان پیپلزپارٹی بلاول بھٹو زردای نے سابق وزیر اعظم نواز شریف کو چیلنج کیا ہے کہ وہ تین بار تو سلیکٹ ہو چکے ہیں چوتھی بار الیکٹ ہوکر دکھائیں، خیبر پختونخوا میں سوات کےعلاقے تیمرگرہ میں ورکرز کنونشن سے خطاب کرتے ہوئے بلاول بھٹو زرداری نے کہا کہ کہ دو جماعتوں کا ارادہ ہے کہ وہ الیکشن جیت کر سیاسی انتقام لیں، جوشخص تین بار وزیرِ اعظم بن کر فیل ہوچکا ہے وہ چوتھی بارکیا تیرمارے گا،میاں صاحب پہلے بھی ان لوگوں سے لڑے تھے جن کے سہارے وہ اقتدار میں آئے تھے لڑائی کی وجہ سے ہی وہ دس سال تک باہر آرام کرتے رہے، میاں صاحب اب بھی انہی سے ہی مطالبہ کر رہے ہیں کہ وہ ون کو دو تہائی اکثریت دلا دیں ، بلاول بھٹو زرداری نے کہا مجھے معلوم ہے میاں صاحب چوتھی بار بھی اقتدار میں آکر انہی سے پنگا لیں گے، انھوں نے کہا ملک کے معاشی صورتحال ایسی نہیں کہ ہم انتقام کی سیاست کریں یا پھر کسی کھلاڑی کو افورڈ کر سکیں