حکومت نے 146 جان بچانے والی ادویات کی قیمتوں میں اضافہ کر دیا

وفاقی حکومت نے 146 جان بچانے والی ادویات کی قیمتوں میں اضافہ کر دیا جاری نوٹیفکیشن کے مطابق جن ادویات کی قیمتوں میں ضافہ کیاگیا وہ نیشنل اسنشل میڈیسن لسٹ میں شامل ہیں۔جن ادویات کی قیمتوں میں اضافہ کیا گیا ان میں کینسر کی ادویات، ویکسینز اور اینٹی بائیوٹک ادویات شامل ہیں ڈرگ ریگولیٹری اتھارٹی نے حکومت کو 262 ادویات کی قیمتوں میں اضافے کی سمری بھیجی تھی۔حکومت نے لسٹ میں شامل 146 جان بچانے والی ادویات کی قیمتوں میں اضافہ کیا لسٹ میں شامل 116 ادویات کی قیمتیں حکام کے مطابق فارماسیوٹیکل کمپنیاں از خود بڑھائیں گی حکومت نے گزشتہ روز ادویات کی قیمتیں ڈی ریگولیٹ کر کے فارماسوٹیکل کمپنیوں کو قیمتیں از خود بڑھانے کی اجازت دی تھی حکومت اب صرف نیشنل اسینشل میڈیسنز لسٹ میں شامل 464 ادویات کی قیمتوں پر کنٹرول رکھے گی