نگران حکومت نے کتنےقرضے لیے تفصیلات منظر عام پر آگئے

 وزارت خزانہ کی جانب سے جاری رپورٹ کے مطابق نگران حکومت نے 17 اگست 2023 سے لیکر 31 جنوری 2024 تک 19 ہزار 830 ارب روپے کا مقامی قرض لیا اور 17 ہزار 934 ارب روپے کا قرض واپس کیاجبکہ سابقہ مدت یکم فروری 2023 سے لیکر 16 اگست 2023 تک لیا گیا مقامی قرض 19 ہزار 862 ارب روپے تھا جبکہ 14 ہزار 31 ارب روپے کا قرض واپس کیا گیا۔رپورٹ میں بتایا گیا کہ نگران دور میں مقامی قرض کا نیٹ فلو 1796 ارب روپے ریکارڈ کیا گیا جو سابق مدت میں 5831 ارب روپے تھا، سابق مدت کے مقابلے قرضوں میں 67 فیصد کمی ہوئی۔ رپورٹ کے مطابق نگران حکومت نے سابق مدت کے 8.4 ارب ڈالر کے مقابلے میں 3.9 ارب ڈالر کا بیرونی قرض لیااور 3.6 ارب ڈالر کا بیرونی قرض واپس کیا،جبکہ سابق مدت میں 5.4 ارب ڈالر کا بیرونی قرضہ واپس کیا گیاتھاوزارت خزانہ کے مطابق نگران حکومت کو 22 فیصد کا پالیسی ریٹ ورثے میں ملا جو سابق مدت کے دوران اوسطا 19.5 فیصد تھا ۔۔ نگران دور میں ٹریژری بلز کا حجم 1.6 ٹریلین روپے تک آگیا جو سابق مدت میں 3.3 ٹریلین روپے تھا جس سے حکومتی مالیاتی ضروریات کم کرنے میں مدد ملی