پیوٹن نےایک بار پھرصدارتی انتخاب جیت لیا، پانچویں بار صدرمنتخب

روس میں صدارتی انتخاب کیلئے ووٹنگ کا عمل مکمل ہوگیا۔روسی میڈیا کے مطابق کامیاب انتخابی عمل کے بعد ملک کے تمام پولنگ اسٹیشنزبند کر دئیے گئے ہیں میڈیا کے مطابق پولنگ اسٹیشنز بندہونے تک 11کروڑ 23 لاکھ ووٹرزمیں سے 74 فیصد نے اپنےووٹ کا حق استعمال کیاتھا۔ابتدائی نتائج کے مطابق صدرپیوٹن نے 87.97 فیصد ووٹوں کےساتھ صدارتی انتخاب جیت لیا اور اگلے 6 سال کیلئے صدر منتخب ہوگئے ہیں۔ اس بار روس کےصدارتی انتخاب میں پہلی باریوکرین سے قبضے میں لئےگئےعلاقےخیرسون اور ڈونیسک سمیت دیگردوعلاقوں میں بھی ووٹنگ ہوئی۔روسی میڈیا کے مطابق صدارتی انتخاب میں سب سے زیادہ چیچنیامیں 96فیصد ووٹنگ ہوئی۔جبکہ دنیا بھرمیں 230 پولنگ اسٹیشنوں پربھی سوا لاکھ ووٹرز نے اپنا حق رائے استعمال کیا۔پیوٹن 1999 سے روس پر حکمرانی کر رہے ہیں