مولانا فضل الرحمان کا نیا لاڈلا کون؟؟؟

جمیعت علما اسلام کےسربراہ مولانا فضل الرحمان نے کہا ہےکہ وہ نواز شریف کو نیا لاڈلہ سمجھتے ہیں۔کہتے ہیں میں نے نواز شریف سے ملاقات میں بھی بتادیا تھا کہ آج کل وہ نیا لاڈلہ ہیں۔نجی ٹی وی چینل کو انٹرویو دیتے ہوئے ان کا کہنا تھا نہیں لگتا ہے کہ یہ حکومت ڈلیور کرسکے گی، چیلنجز بہت زیادہ ہیں، جن کا یہ مقابلہ نہیں کرسکیں گے۔ انھوں نے کہا کہ ہمارا مؤقف واضح ہے الیکشن میں دھاندلی ہوئی ہے، وہ قوت فوکس ہوگی جس نے نتائج تبدیل کیے دھاندلی کی طاقت استعمال کی۔یہ ایسے نتائج پر مبنی حکومت ہے جو ہمیں قبول نہیں، ان اداروں کے خلاف احتجاج کررہے ہیں جنہوں نے الیکشن کو کھیل بنا رکھا ہے۔پی ٹی آئی کے حوالے سے مولانا کا کہنا تھا مجھے پی ٹی آئی کے رویے میں تبدیلی نظر آنے لگی ہے۔ تاہم پی ٹی آئی کامجھ سے کوئی رابطہ نہیں ہے۔