ایران کے سپریم لیڈر سید علی خامنہ ای نے بدھ کے روز ملک کےاعلیٰ حکام اور عہدیداروں سے اہم ملاقات کی اس دوران شام کے دارالحکومت دمشق میں ایرانی سفارت خانے پر اسرائیلی فضائی حملے کی سخت مذمت کرتے ہوئےانہوں نے کہا کہ ہم اس حملے کے بعد اسرائیل کو سخت سزا دیں گےصہیونی حکومت کو اپنی غلطی پر سخت پچھتانا پڑے گا۔ایران کے سپریم لیڈر نے صہیونی حملے میں شہید ہونے والوں کے لیے مغفرت کی دعا کی اور کہا کہ صہیونی حکومت کو ہمارے بہادر جوان آہنی ہاتھوں سے جواب دے کر سبق سکھائیں گے۔غزہ کے حالات کی طرف اشارہ کرتے ہوئے سیدعلی خامنہ ای نےکہاکہ غزہ کےاہم مسئلے کو عالمی رائے عامہ کی ترجیح سے باہر نہیں ہونے دینا چاہیے۔سل کشی، قتل عام،عورتوں، بچوں، مریضوں اور اسپتالوں پر حملے جیسے صیہونی حکومت کے جرائم کی حالیہ تاریخ میں کوئي مثال نہیں ملتی اور جرائم اس حد تک ہیں کہ یورپ اور امریکا میں مغربی کلچر کے پروردہ افراد تک نے صدائے احتجاج بلند کر دی ہے۔
دمشق حملے، اسرائیل کے منہ پر زوردار تمانچہ ماریں گے، سید علی خامنہ ای
Date:
