. پاکستان کیلئے شاندار خدمات، پرنس کریم آغاخان کو نشان پاکستان کا ایوارڈعطا کیاگیا

اسماعیلی مسلمانوں کے روحانی پیشوا پرنس کریم آغاخان کو پاکستان کیلئے شاندار خدمات کے اعتراف میں حکو پاکستان کی جانب سے نشان پاکستان کا ایوارڈ عطا کیا گیا ہے۔ صدر مملکت آصف علی زرداری نےیہ ایوارڈ پاکستان اور اس کے عوام کی ترقی اور فلاح میں ان کی شاندار خدمات اور کردار کے اعتراف میں دیا۔ اس حوالےایوان صدر میں منعقدہ خصوصی تقریب میں وزراء، اراکین پارلیمنٹ، سفارت کاروں اور سرکاری افسران نے شرکت کی۔پرنس کریم آغاخان کو ایوارڈ کمرشل بینکنگ، مائیکرو فنانس، انشورنس، پائیدار سیاحت اور قابل تجدید توانائی کے شعبے میں قائدانہ کردار کے اعتراف میں دیا گیا۔آغا خان ترقیاتی نیٹ ورک نے پاکستان میں تقریباً 5 کروڑ افراد کو مالیاتی خدمات تک رسائی بھی فراہم کی ہے۔گلگت بلتستان میں خاص طور پر آغاخان ترقیاتی نیٹ ورک کے منصوبوں کا جال بچھا ہوا ہے۔