ایرانی کے صدارتی انتخابات میں پولنگ کے عمل کی تکمیل کے بعد ووٹوں کی گنتی کا عمل جاری ہے۔ اب تک کی اطلاعات کے مطابق سعیدجلیلی اور مسعود پزشکیان آگے ہیں۔
ایرانی الیکشن کمیشن کے مطابق صدارتی انتخابات میں سعید جلیلی پہلے اور مسعود پزشکیان دوسرے نمبر پر ہیں۔ادھر نیم سرکاری مہر خبررساں ایجنسی کے نامہ نگار کے مطابق،صدارتی انتخابات میں عوام کی بھاری تعداد نےشرکت کی جس کی وجہ سے پولنگ کے وقت میں کئی مرتبہ توسیع کی گئی۔
رات بارہ بجے پولنگ کا وقت ختم ہونے کے بعد ووٹنگ کی گنتی جاری ہے۔ الیکشن کمیشن کے ترجمان محسن اسلامی نے کہا ہے کہ اب تک مجموعی طور پر 27938 پولنگ اسٹیشنز کی گنتی مکمل ہوچکی ہے۔
ایک کروڑ تین لاکھ پچاس ہزار سے زائد ووٹوں میں سے سعید جلیلی نے 42 لاکھ، 66 ہزار 386، مسعود پزشکیان نے 42 لاکھ، 44 ہزار 815، باقر قالیباف نے 13 لاکھ، 85 ہزار 83 جبکہ مصطفی پور محمدی نے 80 ہزار 506 ووٹ حاصل کئے ہیں۔
