پاکستان میں آبادی بڑھنے کی شرح خطے میں سب سے زیادہ، ادارہ شماریات

ادارہ شماریات نے ساتویں مردم شماری پر ڈیجیٹل فائنڈنگ رپورٹ جاری کردی ہے جس کےمطابق پاکستان میں آبادی بڑھنے کی شرح خطے میں سب سے زیادہ ریکارڈ کی گئی ہے۔موجودہ تناسب سے اضافےکےباعث 2050 تک پاکستان کی آبادی دُگنی ہونے کا خدشہ ہے پاکستان میں 21 لاکھ 26 ہزار 79 افغانی، بنگالی، چائنیز، دیگر ممالک کے لوگ رہائش پذیر،رپورٹ کے مطابق پاکستان میں 87 لاکھ ہندو، عیسائی و دیگر مذاہب کے لوگ آباد ہیں،5سے 16 سال تک کے 2 کروڑ 53 لاکھ 70 ہزار بچے سکولوں سے باہر ہیں،پاکستان میں کل آبادی کا 3.10 فیصد معذور افراد پر مشتمل ہے،جبکہ مرد 3.30 فیصداورخواتین 2.88 معذور ہیں،رپورٹ کے مطابق 2017کے بعد سب سے زیادہ آبادی کی گروتھ 2023 میں ریکارڈ کی گئی، ادارہ شماریات کے مطابق پاکستان میں 61 فیصد لٹریسی ریٹ ریکارڈ کیا گیا جس کے مطابق مرد حضرات 68 فیصداورخواتین 53 فیصد پڑھے لکھے ہیں۔پاکستان میں 2 کروڑ 53 لاکھ بچےاسکولوں سےباہر ہیں،پنجاب میں 96 لاکھ ،سندھ میں اسکولوں سے باہر بچوں کی تعداد 78 لاکھ تک ہے،خیبرپختونخوا میں 49 لاکھ بچے اسکولوں سے باہر ہیں،فائنڈنگ رپورٹ کے مطابق بلوچستان میں اسکولوں سےباہر بچوں کی تعدادپچاس لاکھ سے زائد ہے