وزیراعظم کاپیٹرولیم مصنوعات کی قیمتیں مقرر کرنے کا حکومتی اختیار ختم کرنے کی ہدایت

وزیر اعظم شہباز شریف نےچئیرمین اوگرا کو قیمتیں ڈی ریگولیٹ کرنے کے اثرات اور لائحہ عمل تیار کرنے کی ہدایت کردی۔ پیٹرولیم مصنوعات کی قیمتیں ڈی ریگولیٹ کرنے کا حتمی فریم ورک وزیراعظم کو پیش کیا جائے گا۔ ذرائع کے مطابق حکومتی سطح پر لابنگ کے دوران وزیراعظم کو قائل کیا گیا ہے کہ قیمتیں بڑھانے کےنتیجے میں حکومت کو شدید تنقید کا سامنا کرنا پڑتا ہے۔قیمتیں کم ہونے کی صورت میں حکومت کو مطلوبہ عوامی ستائش نہیں ملتی۔حکومت کی جانب سے آئل مارکیٹنگ کمپنیوں کو مرحلہ وار قیمتیں مقرر کرنے کا اختیار دینے کی تیاری کی جارہی ہے جس کے بعد کمپنیاں اپنے مارجن میں اضافہ کرنے کی راہ ہموار کرلیں گی۔اس سے پہلے پیٹرولیم ڈیلرز نے آئل مارکیٹنگ کمپنیوں کو قمتیں مقرر کرنے کااختیار دینے کی مخالفت کی تھی ان کے خیال میں کھلا اختیار ملنے پر آئل مارکیٹنگ کمپنیوں کی جانب سےناجائز منافع خوری کا خدشہ ہے