قرض پربھاری سود، پاکستان نے آئی ایم ایف کو کتنے ڈالر سود میں ادا کئے؟؟

پاکستان کی جانب سے آئی ایم ایف سے لئے گئے قرض پر بھاری سود اداکرنے کا انکشاف ہوا ہے، دستاویزات کے مطابق پاکستان نے آئی ایم ایف کو 3 ارب 60 کروڑ ڈالر سے زائد سود ادا کردیا دستاویزات کے مطابق پاکستان کی جانب سے آئی ایم ایف کو ادا کی گئی سود کی رقم پاکستانی کرنسی میں 1000 ہزار ارب سےزائد بنتی ہے۔ آئی ایم ایف کے ساتھ جاری قرض پیروگرام سےمتعلق دستاویزات کےمطابق گزشتہ 30 برسوں میں پاکستان کی جانب سے آئی ایم ایف سے تقریباً 29 ارب ڈالر قرض لیا گیا اور اسی عرصے میں 21 ارب 72 کروڑ ڈالر سے زائد قرض واپس کیا گیا۔پاکستان کی جانب سے گزشتہ 4 سال میں آئی ایم ایف سے 6 ارب 26 کروڑ ڈالر سے زائد قرض لیا گیا اوراسی عرصے میں آئی ایم ایف کو 4 ارب 52 کروڑ85 لاکھ ڈالر واپس کیے گئے۔دستاویز کے مطابق پاکستان نےگزشتہ 4 سال میں آئی ایم ایف کو ایک ارب 10 کروڑ ڈالر سے زائد سود ادا کیا ہے۔