شمالی غزہ میں قابض فورسز کا حملہ فلسطینی سول ڈیفنس کا ڈپٹی ڈائریکٹر شہید

شمالی غزہ کے علاقےجبالیہ کیمپ میں قابض اسرائیلی فوج نے فضائی حملہ کرکے سول ڈیفنس کے ڈپٹی ڈائریکٹر کرنل محمد مرسی اور ان کے خاندان کوشہید کردیا۔فلسطینی سول ڈیفنس نے ایک بیان میں کہا کہ "کرنل مرسی نے 1995ء سے سول ڈیفنس سروس اور اپنے عوام اور اپنے ملک کی خدمت میں کام کیا۔ انہوں نے اپنی زندگی ایک مجاھد کے طور پرگذاری اورشہادت کی موت سے سرفراز ہوئے۔مقامی ذرائع نے اطلاع دی ہے کہ قابض فوج کےطیاروں نے خاندان کے گھر کو نشانہ بنایا جس میں مرسی خاندان کےپانچ فراد شہید اور متعدد زخمی ہو گئے۔شہید ہونے والوں میں کرنل محمد مرسی، ان کی والدہ حاجن ام محمد مرسی، بیٹے منیر محمد مرسی، حسام محمد مرسی اور بہا احمد مرسی شامل ہیں۔سات اکتوبر کو غزہ کی پٹی میں نسل کشی کی جنگ شروع ہونے کے بعد سے اب تک 82 سول ڈیفنس کے اہلکار اور ارکان شہید اور 270 زخمی ہو چکے ہیں۔