پشاور والے لوڈ شیڈنگ کے خلاف بپھر گئے، گرڈ اسٹیشن میں داخل

تفصیلات کے مطابق پشاور میں دلزاک گرڈ سٹیشن کے باہر 14مختلف گاؤں کے لوگوں نے جمع ہوکر لوڈ شیڈنگ کے خلاف شدید احتجاجی مظاہرہ کیا ۔اس دوران مشتعل مظاہرین گرڈ سٹیشن کے اندرداخل ہو گئے جس پر عملہ گرڈ سٹیشن خالی چھوڑ کر چلا گیا ۔
عملہ کی جانب سے گرڈ سٹیشن خالی چھوڑ جانے کے بعد مظاہرین نے گرڈ سٹیشن پر قبضہ کرلیا اور بجلی بحال کردی۔اطلاع ملنے پر پولیس افسران بھاری نفری کے ہمراہ گرڈ سٹیشن پہنچ گئے ۔مظاہرین میں محمد زئی ، گلو زئی میرکزئی، گنبت، بیلہ نیکو خان دلزاک اور بڈھنی سمیت دیگر علاقوں کے لوگ شامل تھےمظاہرین کا کہنا تھا کہ گلوزئی فیڈر پر 20 گھنٹے اور بڈھنی فیڈر پر 16 گھنٹے لوڈ شیڈنگ کی جا رہی ہے۔