ہم غزہ میں بری طرح پھنس چکے ہیں، مسلسل شکست کھا رہے ہیں، صیہونی اعلیٰ فوجی اہلکار کا اعتراف

اسرائیلی حکومت کے ٹی وی چینل 12 نے قابض فوج کی آپریشنز برانچ کے سابق سربراہ یسرائیل زیو کا ایک بیان نشر کیا ہے جس میں اس نے یہ اعتراف کیا ہے کہ اسرائیل غزہ میں پھنس گیا ہے اور مسلسل شکست سے دوچار ہوتا جارہا ہے۔یسرائیل زیو کامزید کہا کہ نیتن یاہو کی "فلاڈیلفیا” کراسنگ میں رہنے کی ضد بے معنی ہے، کیونکہ یہاں کوئی فعال سرنگ بالکل نہیں ہے۔انہوں نے دعویٰ کیا کہ حماس کے ڈھانچے اور حکومت کو تبدیل کیے بغیر جنگ جاری رکھنے کا کوئی حقیقی نتیجہ نہیں ہے اور اس میں صرف ہمارے فوجیوں کی جانیں ہی ضائع ہوں گی۔یسرائیل زیو نے یہ بھی کہا کہ قابض حکومت کے وزیر اِتمار بین گوئر اور وزیرِ خزانہ بیزلیل سمٹریچ اس بات پر مقابلہ کر رہے ہیں کہ کون ایک ہمہ گیر جنگ شروع کرکے مغربی کنارے پر دوبارہ قبضہ کرے گا اور فلسطینی اتھارٹی کا تختہ الٹ دے گا۔ادھر سابق وزیر جنگ اوگدور لائبرمین نے ایک بار پھر اس بات پر زور دیا ہے کہ نیتن یاہو کی کابینہ کو جلد از جلد تبدیل کیا جانا چاہیے تاکہ شمالی علاقوں کے باشندوں اور تمام شہریوں کو بہ سلامتی واپس مل سکے۔