لبنان پر اسرائیل نے جدید ترین ٹیکنالوجی سے وار کیا ہے۔ اسرائیل نے حزب اللہ کے زیر استعمال پیجرز کو دھماکوں سے اڑا یا ہے جس کے نتجے میں اب تک9افراد جاں بحق اور 3ہزار کے قریب زخمی ہوئے ہیں، جن میں حزب اللہ کے سینئر کمانڈروں سمیت بیروت میں ایران کے سفیر مجتبیٰ امانی بھی شامل ہیں، لبنانی میڈیا کے مطابق حزب اللہ کے رکن پارلیمنٹ کا بیٹا بھی پیجر دھماکے میں جاں بحق ہوا ہے، پیجر دھماکے میں متاثرین کو زیادہ تر بازو، چہرے اور آنکھوں پر چوٹیں آئی،دھماکے میں پھٹنے والے پیجرز حالیہ مہینوں میں حزب اللہ کی جانب سے تائیون سے منگوائے گئے تھے۔حزب اللہ نے اسے اسرائیل کے ساتھ جنگ میں سلامتی کی سب سے بڑی خلاف ورزی قرار دیا ہے،لبنانی وزیر اطلاعات نے پیجرز دھماکے کو اسرائیلی جارحیت قرار دیتے ہوئے مذمت کی ہے۔حزب اللہ نے لبنان میں پیجر دھماکوں کا ذمہ دار اسرائیل کو ٹھہرایا ہے اور کہا ہے کہ اسرائیل کو اس عمل کی سزا ضرور ملے گی۔
