اسحاق ڈار کی ڈپٹی وزیرِاعظم تقرری کیخلاف کیس کی سماعت

وزیرِخارجہ اسحاق ڈار کی بطور ڈپٹی وزیرِاعظم تقرری کے خلاف سندھ ہائی کورٹ میں دائردرخواست کی سماعت ہوئی۔چیف جسٹس سندھ ہائی کورٹ نے درخواست کی سماعت کی۔اس دوران چیف جسٹس سندھ ہائیکورٹ نے کہا کہ پرویز الہیٰ کی بطور ڈپٹی وزیرِاعظم تقرری کا نوٹیفکیشن کہاں ہے؟ پرویز الہیٰ کی بطور ڈپٹی وزیراعظم تقرری پر عدالتی فیصلہ کہاں ہے؟ درخواست گزار کے وکیل نے کہا کہ کابینہ ڈویژن کو گزٹ نوٹیفکیشن کا لکھا ہے، ملتے ہی پیش کردیں گے۔عدالت نے اپنے ریمارکس میں کہا کہ پہلے عدالت کو مطمئن کریں پھر آگے کارروائی بڑھائیں گے، دستاویز سے قبل عدالت نوٹس جاری نہیں کرے گی۔سندھ ہائیکورٹ نے درخواست کی مزید سماعت 2 ہفتوں کے لیے ملتوی کردی۔