بھارت سے تعلق رکھنے والی معروف گلوکارہ رخسانہ بانو 27 برس کی عمر میں انتقال کر گئیں ہیں۔تاہم ان کے اہلخانہ نے گلوکارہ کو زہر دئے جانے کا خدشہ ظٓاہر کیا ہے،بھارتی میڈیا کے مطابق ہسپتال میں زیر علاج گلوکارہ رخسانہ بانو کا انتقال بدھ کی رات ہوا۔رخسانہ بانو کو 27 اگست کو ہسپتال میں داخل کرایا گیا تھا، گلوکارہ کا بیکٹیریا کی وجہ سے بننے والی بیماری سکرب کا علاج جاری تھا۔ادھرگلوکارہ کی والدہ اور بہن نے بیٹی کو مغربی اڑیسہ کے ایک حریف گلوکار کی جانب سے زہر دیئے جانے کا الزام عائد کیا ہے۔ مرحومہ کی بہن روبی بانو کا کہنا ہے کہ 15 روز قبل شوٹنگ کے دوران جوس پینے کے بعد بہن کی طبیعت خراب ہوئی تھی جس پر انہیں ہسپتال منتقل کیا گیا تھا۔بھارتی میڈیا کے مطابق اہلخانہ نے یہ بھی کہا کہ بیٹی کو پہلے بھی دھمکیاں مل چکی تھیں۔
بھارت کی معروف گلوکارہ کا انتقال، کیا زہر دے دیا گیا؟
Date:
