جو بائڈن کا ٹرمپ کے عہدہ سنبھالنے سے پہلے یوکرین کو بڑی گرانٹ دینے کا فیصلہ

غیرملکی میڈیا کےمطابق وائٹ ہاؤس جنوری میں صدر جو بائیڈن کے عہدے سے سبکدوش ہونے سے پہلے یوکرین کو 6 ارب ڈالر کی سکیورٹی امداد بھیجنے کا ارادہ رکھتا ہے۔نو منتخب صدر ڈونلڈ ٹرمپ کی تقریب حلف برداری آئندہ سال جنوری میں ہوگی اور اس سے قبل وائٹ ہاؤس انتظامیہ یوکرین کو ممکنہ مضبوط ترین پوزیشن میں لانے کا امید رکھتی ہے۔رپورٹس کے مطابق وائٹ ہاؤس اب ان فنڈز کو جلد از جلد دینے کیلئےکام کررہا ہے تاکہ یہ یقینی بنایا جاسکےکہ یوکرین کے پاس روسی حملوں کا مقابلہ کرنے کے لیے کافی ہتھیار موجود ہوں، چاہے ٹرمپ امداد بھیجنے سے انکار کر دیں۔رپورٹس میں بتایا گیا ہےکہ امریکا کے یوکرین کو مختص کردہ ہتھیار بھیجنے میں عام طور پر مہینوں لگتے ہیں، اس لیے آنے والے ہفتوں میں اعلان کردہ کسی بھی پیکج کے جنوری 2025 کے اختتام سے پہلے مکمل طور پر پہنچنے کا امکان نہیں ہے۔