پاراچنار میں راستے کھلوانے کیلئےمارچ کے شرکا سے مذاکرات کامیاب دھرنا ختم کرنے کا اعلان

پارا چنار پشاور مرکزی شاہراہ کھلوانے کے لیے امن مارچ کے شرکا اور انتظامیہ کے درمیان جرگہ کامیاب ہوگیا۔اور فریقین کے پاراچنار مرکزی شاہراہ کو محفوظ بنانے پراتفاق کے بعد سمیر کے مقام پر قبائل کی جانب سے جاری دھرنا ختم کرنے کا اعلان کردیا گیا۔قبائلی رہنما جلال بنگش نے میڈیا سے بات کرتے ہوئے کہا کہ پہلے مرحلے میں شاہراہ پر قافلےکی صورت میں آمد و رفت کی اجازت ہوگی اور مرکزی شاہراہ کو اگلے ہفتے سے آمد و رفت کے لیے کھول دیاجائےگا۔شاہراہ پر اضافی چیک پوسٹ اور سی سی ٹی وی کیمرے بھی نصب کیے جائیں گے۔ڈپٹی کمشنر نے 12 اکتوبر کو مسافر گاڑیوں پر فائرنگ کے بعد سکیورٹی خدشات پر پارا چنار پشاور مرکزی شاہراہ بند کردی تھی۔تقریباً ایک ماہ سے راستوں کی بندش کی وجہ سے پارا چنار کی لاکھوں آبادی اپنے علاقے میں محصور ہو گئی تھی، جس کی وجہ سے پارا چنار قبائل کی جانب سے امن مارچ اور دو روز سےاحتجاجی دھرنا دیا جارہا تھا۔