حماس کی فوجی شاخ القسام بریگیڈ نے فلسطینی سرزمین پر قابض اسرائیل کی نسل کشی کا بدلہ لیتے ہوئے صرف دو دنوں میں غزہ کے شمالی علاقوں میں کم از کم 20 اسرائیلی فوجیوں کو ہلاک کر دیا ہے۔
حماس کی جانب سے جاری بیان کے مطابق القسام بریگیڈ کے مجاہدین نے ایک دن میں ساحلی علاقے کے شمالی حصوں میں 5 فوجیوں کو جب کہ دوسرے دن 15 کو ہلاک کر دیا ہے۔بیان میں مزید کہا گیا ہے کہ فلسطینیوں نے شمالی غزہ میں اسرائیلی جارحیت میں شدت کے بعد مزاحمتی کارروائیوں میں اضافہ کیا ہے جس میں گزشتہ ایک ہفتے کے دوران ایک ہزار سے زائد افراد کی جانیں گئی ہیں۔ حماس نے اس عزم کا بھی اظہار کیا کہ غزہ کے خلاف اسرائیل کے جاری مظالم اور جارحیت کا مقابلہ مزید مزاحمت اور دردناک حملوں سے کیا جائے گا۔ادھر فلسطینی وزارت صحت نے رپورٹ دی ہے کہ اسرائیلی حملوں میں اب تک کم از کم 43,603 فلسطینی شہید جب کہ 102,929زخمی ہوئے ہیں۔
غزہ میں صیہونیوں کا صفایا، 20 اسرائیلی فوجی ہلاک
Date:
