پےدرپے شکستوں کےبعد اسرائیل کے فوجی حکام مستعفی ہونے لگے، گولانی بریگیڈ کا چیف مستعفی

غاصب صیہونی فوجی حکام کے استعفوں کا سلسلہ زور پکڑنے لگا،اسرائیلی فوج کے ایلیٹ کلاس گولانی بریگیڈ کے چیف بھی مستعفی ہو گئے۔ شہاب نیوزکے مطابق غاصب صیہونی حکومت کے ایک اور اعلی فوجی عہدیدار نے اپنے عہدے سے استعفیٰ دے دیا۔
صیہونی میڈیا ذرائع نے خبر دی ہے کہ گولانی بریگیڈ کے چیف یواف یروم نے اپنا استعفیٰ اعلیٰ افسران کو پیش کردیا ہے۔یروم نے کہا: وہ ایک اسرائیلی شہری کی موت کی مکمل ذمہ داری قبول کرتے ہیں جو جنوبی لبنان پر فوج کشی کے دوران ان کے ساتھ تھا اور اسی وجہ سے وہ مستعفی ہو رہےہیں۔واضح رہےجنوبی لبنان میں مرنے والے ُیف ایرلچ ایک ارضیاتی محقق تھے مستعفی ہونےوالےاسرائیلی فوج کے یہ اعلی عہدیدار "زیف ایرلچ” کے ہمراہ جنوبی لبنان میں حزب اللہ کے ساتھ جھڑپوں کے دوران زخمی ہوئے تھے۔