پاراچنارفائرنگ کےواقعات جانبحق افراد کی تعداد 124ہوگئی،178زخمی ہیں

پاڑہ چنار پولیس اور ہسپتال ذرائع کے مطابق ضلع کرم کے مختلف علاقوں میں قبائل کے مابین جھڑپیں دس روز سے جاری ہیں فائرنگ کے تازہ واقعات میں فریقین کے مزید دو افراد جانبحق دس زخمی ہوگئے ہیں اور چوبیس گھنٹوں کے دوران چودہ افراد جانبحق 27  زخمی ہوئے ہیں اسی طرح21 نومبر کو لوئر کرم کے علاقہ مندوری اوچت میں کانوائی میں شامل پاراچنار کے مسافر گاڑیوں پر مسلح افراد کےفائرنگ کے واقعے میں خواتین اور بچوں سمیت 52 افراد جانبحق ہوگئے تھےجس کےبعد مختلف علاقوں سنگینہ، صدہ،بالشخیل ، خار کلے، مقبل ، کنج علی زئی ، بگن اور علیزئی میں فائرنگ اور جھڑپوں کا سلسلہ شروع ہوگیاپشاور پاراچنار مین شاہراہ ہرقسم امدورفت کےلئے بند ہونے سے علاقے میں خوراک ایندھن اور ادویات کا ذخیرہ ختم ہوگیا ہے طلبہ اوربیرون ملک محنت کشوں سمیت زندگی کے مختلف شعبوں سے تعلق رکھنے والے افراد مختلف قسم مسائل کا شکار ہیں جبکہ خرلاچی باڈر پر افغانستان کے ساتھ تجارت اور امدورفت بھی بند ہوگئی ہے سماجی راہنما میر افضل خان کا کہنا ہے کہ زندگی کا ہر شعبہ جھڑپوں کے باعث شدید طور پر متاثر ہورہا ہے اسی طرح بیرون ملک محنت کشوں کے ویزے اور ٹکٹ بھی خراب ہورہے ہیں میر افضل خان کا کہنا ہے کہ خوراک اور ادویات نہ ملنے کے باعث شہری شدید مشکلات کا شکار ہیں۔دوسری جانب ڈپٹی کمشنر ضلع کرم جاوید اللہ محسود نے کہا ہے کہ فائربندی کے لئے فریقین کے عمائیدین کے ساتھ مذاکرات کا عمل جاری ہے مختلف علاقوں میں پولیس و فورسز کے دستے فائربندی کے لئے بھیجوادئیے گئے ہیں ان شاءاللہ فائربندی اور قیام امن کے حوالے سے اہم پیش رفت متوقع ہے جبکہ انٹرنیٹ اور موبائل سروس آج بحال کردی گئی ہیں۔