یمن کے انصار الله افواج نے بحیرہ عرب اور خلیج عدن میں ایک امریکی بحری بیڑے اور 3 بحری جہازوں کو اپنے میزائل اور ڈرون حملوں سے نشانہ بنایا۔ یمن کی مسلح افواج کے ترجمان بریگیڈیئر جنرل یحییٰ سریع نے اعلان کیا ہے کہ ملک کی بحری، میزائل اور ڈرون فورسز نے ایک مشترکہ کارروائی کے دوران امریکہ کے ایک بحری بیڑے اور تین بحری جہازوں کو نشانہ بنایا انہوں نے کہا کہ یہ آپریشن 16 کروز میزائلوں اور ایک ڈرون کے ذریعے بحیرہ عرب اور خلیج عدن میں کیا گیا اور یہ حملے کامیابی سے انجام پائے گئے ہیں۔جنرل یحیی سریع مزید نے کہا کہ یمنی مسلح افواج اپنی بحری کارروائیوں کو بڑھتے ہوئے رجحان کے ساتھ جاری رکھے گی اور یہ حملے اس وقت تک نہیں رکیں گے جب تک غزہ کی پٹی کا محاصرہ ختم نہیں کیا جاتا۔اس سے قبل یمنی مسلح افواج کے ترجمان نے مقبوضہ تل ابیب میں بھی ایک اہم ہدف پر نئے حملے کا اعلان کیا اور کہا کہ "ہم نے فلسطین 2 ہائپرسونک میزائل سےتل ابیب میں ایک اہم ہدف پر حملہ کیایمنی مسلح افواج کے ترجمان نے کہا کہ ہم غزہ کی پٹی اور مغربی کنارے میں مجاہدین کی حمایت کے لیےمیزائلوں اور ڈرونز سے فوجی کارروائیوں کو مزید تیز کریں گے۔ یہ کارروائیاں اسی وقت جاری رکیں گے جب تک غزہ کی پٹی پر سے جارحیت اور محاصرے کا خاتمہ نہی ہو جاتا۔امریکہ نے ابھی تک ان حملوں کے بارے میں رد عمل ظاہر نہیں کیا ہے۔
یمن کا ایک امریکی بحری بیڑے اور 3 بحری جہازوں پر حملہ
Date:
