طرطوس میں جولانی فورسز اور عوام میں جھڑپیں، 14فوجی ہلاک

شامی ذرائع ابلاغ کے مطابق شام میں نئی حکومت کے خلاف عوامی مظاہروں کا سلسلہ تیز ہوگیا ہے، مختلف شہروں میں مظاہرین اور نئی فوج میں جھڑپیں ہو رہی ہیں،شام کی خبر رساں ایجنسی سانا کی رپورٹ کے مطابق وزیر داخلہ محمد عبدالرحمن نے ایک بیان میں کہا کہ وزارت داخلہ کے 14 اہلکار طرطوس کے مضافات میں ایک گھات لگائے حملے میں ہلاک ہوگئے ہیں۔عبدالرحمن نے یہ بھی تصدیق کی کہ اس حملے میں وزارت داخلہ کے 10 دیگر اہلکار زخمی بھی ہوئے ہیں۔وزیر داخلہ تحریر الشام نے دعوی کیا کہ یہ حملہ شام کی سابق حکومت کے باقی رہ جانے والے عناصر نے کیا ہے۔