ایک طرف تہران اور واشنگٹن کے درمیان مذاکرات کا دوسرا دور سنیچر کوعمان میں منعقد ہونے والا ہے، دوسری طرف امریکی وزارت خزانہ نے ایران سے متعلق نئی پابندیاں عائد کر دی ہیں۔امریکی وزارت خزانہ نے آج بدھ کے روز اعلان کیا کہ واشنگٹن نے نئی پابندیاں لگائی ہیں جو ایران سے منسلک تیل بردار جہازوں کو نشانہ بناتی ہیں۔وزارت خزانہ نے پاناما اور کیمرون کے پرچم بردارسات شپنگ کمپنیوں اور 5 بحری جہازوں کو اپنی پابندیوں کی فہرست میں شامل کیا ہے۔امریکہ کی جانب سے پابندی عائد کی گئی کمپنیاں پاناما، ملائشیا اور مارشل آئی لینڈز میں واقع ہیں۔امریکی محکمہ خارجہ نے ایران کے خلاف ان پابندیوں کے نفاذ کے بعد کہا کہ یہ تمام اقدامات "زیادہ سے زیادہ دباؤ” کے مہم کاحصہ ہیں اور ٹرمپ ایران کے تیل برآمدات کو صفر تک لانے کے عزم پر قائم ہیں۔امریکی محکمہ خارجہ نے یہ بھی بتایا کہ چین کی ایک تیل صاف کرنے کے پلانٹ پر بھی پابندیاں عائد کی گئی ہیں کیونکہ اس نے ایران سے ایک ارب ڈالر سے زائد کا خام تیل خریدا تھا۔
امریکا نے ایران پر نئی پابندیاں عائد کر دیں
Date:
