ایران نے بین الاقوامی جوہری توانائی ایجنسی کی حالیہ رپورٹ کو سیاسی اور جانبدارانہ قرار دیتے ہوئے اس پر شدید ردعمل ظاہر کیا ہے۔ایرانی وزارت خارجہ کا کہنا ہے کہ ایران کی دفاعی حکمتِ عملی میں ایٹمی ہتھیاروں کی کوئی گنجائش نہیں اور اس کی تمام نیوکلیئر سرگرمیاں ایجنسی کی نگرانی میں مکمل شفاف طریقے سے انجام دی جا رہی ہیں۔وزارت خارجہ نے یہ بھی واضح کیا کہ پرامن مقاصد کے لیے جوہری توانائی کی تیاری پر کوئی عالمی قدغن نہیں اور ایران کی کوئی بھی جوہری تنصیب یا سرگرمی ایسی نہیں جو چھپائی گئی ہو۔ یاد رہے کہ ائی اے ای اے کی رپورٹ میں کہا گیا تھا کہ ایران نے افزودہ یورینیئم کے ذخیرے میں اضافہ کر لیا ہے، جو ایٹمی ہتھیار بنانے کے لیے درکار سطح کے قریب ہے۔
ایران نے آئی اے ای اے کی رپورٹ کوسیاسی اور جانبدار قرار دے دیا
Date:
