پاکستان، افغانستان اور ازبکستان کے درمیان ریلوے معاہدہ

پاکستان، افغانستان اور ازبکستان کے مابین ریلوے منصوبے سے متعلق اہم پیشرفت سامنے آئی ہے، تینوں ممالک نے کابل میں یو اے پی ریلوے منصوبے کی فیزیبلٹی سٹڈی کے معاہدے پر دستخط کر دیے ہیں۔اس حوالے سے نائب وزیراعظم و وزیر خارجہ اسحاق ڈار ایک روزہ سرکاری دورے پر کابل پہنچے، جہاں افغان نائب وزیر خارجہ محمد نعیم وردگ اور افغانستان میں پاکستان کے سفیر عبید الرحمان نظامانی نے ان کا استقبال کیا۔اس موقع پر وفاقی وزیر ریلوے محمد حنیف عباسی، پاکستان کے نمائندہ خصوصی برائے افغانستان صادق خان اور وفاقی سیکرٹری ریلوے سید مظہر علی شاہ بھی نائب وزیراعظم کے ہمراہ موجود تھے۔