یمن کی اسرائیل کو انتباہ: انتقام یقینی ہے۔

اسرائیل نے اپنے تازہ حملے میں صنعا پر یمن کے وزیر اعظم کو شہید کر کے ملک کے داخلی محاذ کو متزلزل کرنے کی کوشش کی، لیکن یمنی عہدیداروں اور کمانڈروں نے انتقام کی یقین دہانی پر زور دیا ہے۔یمن کی سپریم پولٹیکل کونسل کے صدر مہدی المشاط نے آج ہفتے کے روز اسرائیلی ریجم کے صنعا پر حملے میں وزیر اعظم اور متعدد وزرا کی شہادت پر تعزیت کا اظہار کرتے ہوئے خبردار کیا کہ یمن کا انتقام یقینی ہے۔انہوں نے یمنی عوام سے خطاب کرتے ہوئے کہاکہ سرکاری ادارے اپنی خدمات جاری رکھیں گے اور ان عظیم شہداء کا خون ہمیں مزید مزاحمت کے لیے تحریک دے گا۔المشاط نے اس بات پر زور دیتے ہوئے کہ مسلح افواج کا راستہ اور ان کی صلاحیتوں میں اضافہ جاری رہے گا، کہا: ہماری قوم خطرناک مراحل اور مشکل حالات سے گزر چکی ہے۔ ہمارے رہنما کی حکیمانہ قیادت تمام مشکلات پر قابو پانے کا باعث بن سکتی ہے۔