پاکستان نے افغان طالبان کی درخواست پر 48 گھنٹے کے لیے عارضی سیز فائر کا فیصلہ کیا ہے۔وزارتِ خارجہ کے مطابق، افغان طالبان رجیم نے جنگ بندی کی باضابطہ درخواست کی تھی، جسے قبول کرتے ہوئے پاکستان نے آج شام 6 بجے سے سیز فائر کے نفاذ کا اعلان کیا۔
ذرائع کے مطابق، سیز فائر کا عمل شروع ہوچکا ہے، جو اگلے 48 گھنٹے تک برقرار رہے گا۔وزارتِ خارجہ کا کہنا ہے کہ دونوں ممالک تعمیری اور بامقصد بات چیت کے ذریعے مسئلے کے پُرامن حل کے لیے کوششیں جاری رکھیں گے۔
ذرائع کے مطابق، مذاکرات میں پاکستان کی نمائندگی نمائندہ خصوصی برائے افغانستان محمد صادق کریں گے، جب کہ افغانستان کی جانب سے ممکنہ طور پر افغان وزیرِ خارجہ بات چیت میں شریک ہوں گے۔
