پاکستان کی جانب سے قندھار اور کابل میں افغان طالبان اور فتنۂ خوارج کے ٹھکانوں پر ٹارگٹڈ کارروائی کی گئی ہے۔
سیکیورٹی ذرائع کے مطابق، کارروائی کے دوران تمام اہداف شہری آبادی سے الگ تھلگ مقامات پر باریک بینی سے منتخب کیے گئے اور انہیں کامیابی سے تباہ کیا گیا۔
ذرائع کا کہنا ہے کہ کابل میں فتنۂ خوارج کے مرکز اور ان کی لیڈرشپ کو نشانہ بنایا گیا، جب کہ قندھار میں افغان طالبان کی بٹالین ہیڈکوارٹر نمبر 4، 8 اور بارڈر بریگیڈ نمبر 5 کے ٹھکانوں کو مؤثر انداز میں تباہ کیا گیا۔
سیکیورٹی ذرائع نے مزید کہا کہ یہ کارروائیاں پاکستان کے دفاعی اقدامات کا حصہ ہیں اور پاک فوج ملکی خودمختاری کے تحفظ کے لیے ہر ممکن قدم اٹھانے کے لیے پرعزم ہے۔
