بیجنگ: چین کی کمیونسٹ پارٹی نے اپنی تاریخ کے سب سے بڑے فوجی کریک ڈاؤنز میں سے ایک کے دوران 9 اعلیٰ ترین فوجی افسران کو پارٹی اور فوج دونوں سے برطرف کر دیا ہے۔
چینی وزارتِ دفاع کے مطابق، ان افسران پر سنگین مالی بدعنوانی کے الزامات ہیں، جن میں سے بیشتر تھری اسٹار جرنیل اور پارٹی کی مرکزی کمیٹی کے رکن تھے۔
ماہرین کے مطابق یہ کارروائی اگرچہ انسدادِ بدعنوانی مہم کا حصہ قرار دی گئی ہے، تاہم اسے سیاسی صفائی (Political Purge) بھی سمجھا جا رہا ہے، جو پارٹی کے آئندہ اہم اجلاس (Plenum) سے قبل کی گئی۔
اجلاس میں چین کی معاشی ترقی کے نئے منصوبے پر بحث اور کمیٹی کے نئے اراکین کی منظوری دی جائے گی۔
ہر مشکل وقت میں پاکستان نے افغانستان کی مدد کی، اب وہاں سے حملے ہورہےہیں،شہباز شریف
برطرف کیے گئے افسران میں نمایاں نام ہی ویڈونگ کا ہے، جو صدر شی جن پنگ کے بعد فوج کے دوسرے اعلیٰ ترین عہدے پر فائز تھے اور پولیٹ بیورو کے رکن بھی تھے۔ وہ مارچ سے عوامی طور پر منظرِ عام پر نہیں آئے تھے، جس سے ان کے خلاف تحقیقات کی افواہیں گردش کر رہی تھیں۔
وزارتِ دفاع کے مطابق، ان افسران نے پارٹی کے نظم و ضبط کی سنگین خلاف ورزیاں کیں اور ایسے مالی جرائم کے مرتکب ہوئے جو “انتہائی سنگین نوعیت” کے حامل تھے۔
تجزیہ کاروں کا کہنا ہے کہ یہ کارروائی چین کی فوجی قیادت میں دہائیوں بعد سب سے بڑی تطہیر ہے، جس کے گہرے سیاسی اثرات متوقع ہیں۔
