پنجگور: سیکیورٹی فورسز نے خفیہ اطلاع پر کارروائی کرتے ہوئے فتنہ الہندوستان کے اہم کمانڈر جمیل عرف ٹیٹک کو ہلاک کر دیا۔
سکیورٹی ذرائع کا کہنا ہے کہ ہلاک دہشتگرد جمیل متعدد دہشتگرد کارروائیوں میں ملوث تھا اور پنجگور سمیت مختلف علاقوں میں دہشتگردی کی سرگرمیوں کی منصوبہ بندی کرتا رہا۔
سکیورٹی ذرائع کے مطابق، جمیل عرف ٹیٹک 2022 میں پنجگور ہیڈکوارٹرز پر حملے میں بھی مرکزی کردار ادا کر چکا تھا۔ ہلاک دہشتگرد کا تعلق ضلع پنجگور سے بتایا جاتا ہے۔
