ایرانی وزیرِ خارجہ عباس عراقچی نے بین الاقوامی ایٹمی توانائی ایجنسی کے سربراہ رفائل گروسی کو سخت الفاظ میں خبردار کیا ہے کہ ایران کے خلاف سیاسی دباؤ اور دھمکی آمیز بیانات کا کوئی فائدہ نہیں ہوگا۔
مہر خبررساں ایجنسی کے مطابق، عباس عراقچی نے گروسی کے حالیہ انٹرویو کے ردعمل میں یہ بیان دیا، جس میں گروسی نے ایران کے ایٹمی پروگرام کو عالمی سطح پر ایک اہم ترین چیلنج قرار دیا تھا۔
ایران۔اسرائیل 12روزہ جنگ میں جرمنی کاکیاکردارتھا،سنسنی خیز انکشافات
عباس عراقچی نے کہا کہ وہ نہیں جانتے کہ گروسی کا بیان تشویش کے اظہار کے طور پر دیا گیا تھا یا کسی دھمکی کے انداز میں، مگر ایسے لوگ جو اس قسم کی زبان استعمال کرتے ہیں، انہیں یہ سمجھ لینا چاہیے کہ ماضی میں بھی اس طرح کے اقدامات ناکام رہے ہیں اور اب بھی ناکامی ہی ان کا مقدر بنے گی۔
ایرانی وزارتِ خارجہ نے مزید واضح کیا کہ ایران اپنی خودمختاری اور قومی مفادات پر کسی صورت سمجھوتہ نہیں کرے گا، اور کسی بھی طرح کا سیاسی دباؤ یا دھمکی آمیز حربہ ایران کے موقف یا پالیسی میں کوئی تبدیلی نہیں لا سکتا۔
