پاکستان کے لیے مثبت کام ہو رہا ہے۔ستائیس ویں آئینی ترمیم پاس ہوجائے گی،سینیٹر فیصل واوڈا نے ایک اور بڑی پیش گوئی کردی،
پارلیمنٹ ہاؤس میں میڈیا سے گفتگو کرتے ہوئے سینیٹر فیصل واؤڈا نے آئینی ترمیم پاس ہونے کا وقت بھی بتا دیا، کہا کہ ترمیم نومبر کے اختتام سے پہلے پاس ہو جائے گی۔ جس کا ہم شدت سے انتظار کر رہے ہیں
فیصل واؤڈا نے کہا کہ 27 ویں آئینی ترمیم میں آئین کے آرٹیکل 243 میں تبدیلیاں ممکن ہیں، پاکستان کے وسیع تر مفاد کے لیے دیکھا جا رہا ہے کہ کیسے ڈیفنس لائن کو مضبوط کیا جائے۔
ان کا کہنا ہے کہ اب جنگیں صرف ہوا میں، زمین پر یا سمندر میں نہیں ہوتیں، پاکستان کی ڈیفنس لائن جتنی آج مضبوط ہے ہم چاہتے ہیں اسے اور مضبوط کیا جائے۔
سینیٹر فیصل واؤڈا نے یہ بھی کہا ہے کہ کچھ لوگ کہہ رہے ہیں کہ اٹھارہویں آئینی ترمیم رول بیک کی جا رہی ہے، ایسا کچھ نہیں ہے۔
