بھارتی ریاست راجستھان کے ضلع سری گنگا نگر میں اندرا گاندھی کینال میں فوجی ٹینک ڈوبنے کے واقعے میں ایک بھارتی سپاہی ہلاک ہوگیا۔
پولیس کے مطابق یہ واقعہ منگل کی صبح معمول کی فوجی مشق کے دوران اس وقت پیش آیا جب بکتر بند گاڑیاں اور ٹینک نہر عبور کرنے کی مشق کر رہے تھے۔ اسی دوران ایک ٹینک درمیان میں پھنس کر پانی میں ڈوبنے لگا۔
ٹینک میں موجود دو فوجیوں میں سے ایک کسی طرح باہر نکلنے میں کامیاب ہوگیا، جبکہ دوسرا فوجی ٹینک کے اندر پھنس جانے کے باعث جان نہ بچا سکا۔
پولیس کے مطابق ہلاک ہونے والے سپاہی کی لاش کئی گھنٹوں کی کارروائی کے بعد نہر سے نکالی گئی۔ واقعے کی اطلاع ملتے ہی پولیس، اسٹیٹ ڈیزاسٹر ریسپانس فورس (SDRF) اور سول ڈیفنس کی ٹیمیں موقع پر پہنچ گئیں اور ریسکیو آپریشن مکمل کیا۔
