آئی سی سی ٹی ٹوئنٹی ورلڈ کپ میں شریک متحدہ عرب امارات (یو اے ای) کی کرکٹ ٹیم کے اوپنر محمد زوہیب کو بھارت سے وطن واپس بھیج دیا گیا۔
محمد زوہیب کا مؤقف ہے کہ انہیں پاکستانی نژاد ہونے کی بنیاد پر نشانہ بنایا گیا اور ورلڈ کپ اسکواڈ سے باہر کیا گیا۔ انہوں نے الزام عائد کیا کہ ٹیم مینجمنٹ کے بیشتر ارکان کا تعلق بھارت سے ہے اور انہیں پاکستانی ہونے کی وجہ سے ٹیم سے نکالا گیا۔ کرکٹر نے اماراتی کرکٹ بورڈ سے مطالبہ کیا ہے کہ معاملے کی شفاف تحقیقات کی جائیں۔
دوسری جانب اماراتی کرکٹ بورڈ نے اپنے بیان میں کہا ہے کہ محمد زوہیب کو نظم و ضبط کی خلاف ورزیوں کی بنیاد پر بھارت سے دبئی واپس بھیجا گیا۔ بورڈ کے مطابق معاملے کی مزید تفصیلات مناسب وقت پر جاری کی جائیں گی اور فی الحال اس پر مزید تبصرہ نہیں کیا جائے گا۔
