اڈیالہ جیل میں قید سابق وزیراعظم کی ان کے بیٹوں قاسم اور سلیمان سے ٹیلی فون پر بات کرادی گئی۔
ذرائع کے مطابق گزشتہ روز ہونے والی اس گفتگو کی مزید تفصیلات سامنے نہیں آئیں۔ ایک وفاقی وزیر نے بھی تصدیق کی ہے کہ عمران خان کی اپنے بیٹوں سے بات کروائی گئی۔
جیل حکام کی جانب سے جاری بیان میں کہا گیا ہے کہ سپریم کورٹ کے احکامات کی روشنی میں بانی پی ٹی آئی کی بچوں سے بات کرائی گئی۔ حکام کے مطابق عمران خان نے 30 منٹ سے زائد وقت تک اپنے بیٹوں سے گفتگو کی۔
واضح رہے کہ عمران خان کے بیٹے قاسم اور سلیمان لندن میں مقیم ہیں۔
