ایرانی قومی سلامتی کونسل کے سربراہ علی لاریجانی نے سابق امریکی صدر ڈونلڈ ٹرمپ کو سخت الفاظ میں خبردار کرتے ہوئے کہا ہے کہ امام آیت اللہ خامنہ ای کی شہادت کی بھاری قیمت ادا کرنا پڑے گی۔
ایران کی نیم سرکاری مہر خبر رساں ایجنسی کے مطابق علی لاریجانی نے اپنے بیان میں کہا کہ ڈونلڈ ٹرمپ نے اسرائیلی وزیر اعظم بنیامین نیتن یاہو کی مبینہ ڈرامہ بازی کے ساتھ امریکی عوام کو ایران کے خلاف ایک بزدلانہ جنگ میں دھکیل دیا ہے۔
انہوں نے دعویٰ کیا کہ گزشتہ چند دنوں کے دوران 500 سے زائد امریکی فوجیوں کی ہلاکت کے بعد اب امریکہ کو سوچنا چاہیے کہ آیا اس کی ترجیح واقعی "امریکہ فرسٹ” ہے یا اسرائیل کو بچانا۔
علی لاریجانی نے مزید کہا کہ امام آیت اللہ خامنہ ای کی شہادت کے بعد امریکہ کو سنگین نتائج اور بھاری قیمت کا سامنا کرنا پڑے گا۔ انہوں نے کہا کہ ایران اس معاملے کو ہرگز فراموش نہیں کرے گا۔
