ایرانی صدر ڈاکٹر مسعود پزشکیان نے خلیج فارس کے ممالک کو پیغام دیتے ہوئے کہا ہے کہ ایران ہمسایہ ممالک کی خودمختاری اور حاکمیت کا مکمل احترام کرتا ہے، تاہم موجودہ حالات میں ملک کو اپنے دفاع کا حق استعمال کرنا پڑ رہا ہے۔
مہر خبر رساں ایجنسی کے مطابق صدر مسعود پزشکیان نے خلیجی ممالک کے سربراہان کے نام اپنے پیغام میں کہا کہ ایران نے خطے میں کشیدگی اور جنگ سے بچنے کے لیے ہمسایہ ممالک کے تعاون سے بھرپور کوششیں کیں، لیکن امریکا اور صہیونی حکومت کی جارحانہ پالیسیوں نے ایران کے لیے اپنے دفاع کے سوا کوئی راستہ باقی نہیں چھوڑا۔
انہوں نے مزید کہا کہ ایران خطے کے ممالک کی خودمختاری کا احترام کرتا ہے اور اس بات پر یقین رکھتا ہے کہ مشرق وسطیٰ کے امن و استحکام اور سلامتی کو یقینی بنانے کی ذمہ داری خود خطے کے ممالک پر عائد ہوتی ہے۔
