تھانہ لاچی کی حدود میں سی ٹی ڈی اور کوہاٹ پولیس نے مشترکہ کارروائی کرتے ہوئے دہشتگردوں کے خلاف بڑا آپریشن کیا، جس کے دوران فائرنگ کے تبادلے میں 6 دہشتگرد ہلاک ہو گئے۔
ڈی پی او کوہاٹ شہباز الہٰی کے مطابق سکیورٹی اداروں کو خفیہ اطلاع ملی تھی کہ تھانہ لاچی کے مختلف علاقوں میں دہشتگرد موجود ہیں اور کسی بڑی کارروائی کی منصوبہ بندی کر رہے ہیں۔
اطلاع ملنے پر سی ٹی ڈی اور پولیس کی بھاری نفری نے مشترکہ سرچ اینڈ اسٹرائیک آپریشن شروع کیا۔ کارروائی کے دوران دہشتگردوں نے پولیس کو دیکھتے ہی فائرنگ شروع کر دی، جس پر پولیس اور سی ٹی ڈی اہلکاروں نے جوابی کارروائی کی۔
فائرنگ کے تبادلے کے نتیجے میں 6 دہشتگرد مارے گئے جبکہ ان کے قبضے سے اسلحہ بھی برآمد کر لیا گیا۔ حکام کے مطابق علاقے کو مکمل طور پر گھیرے میں لے کر سرچ آپریشن جاری ہے۔
