ایران کی سرکاری خبر ایجنسی کے مطابق امریکا اور اسرائیل نے ایران کی اہم جوہری تنصیب نطنز جوہری تنصیب پر حملہ کیا ہے۔
رپورٹس کے مطابق حملے کے بعد نطنز تنصیب پر کسی قسم کے تابکاری اثرات کی اطلاع نہیں ملی، جبکہ قریبی آبادی کے لیے بھی کسی خطرے کی نشاندہی نہیں کی گئی۔
ایران کی ایٹمی توانائی تنظیم ایران نے اس حملے کی شدید مذمت کرتے ہوئے اسے این پی ٹی معاہدہ کی سنگین خلاف ورزی قرار دیا۔ ادارے کے مطابق یہ کارروائی جوہری تحفظ اور سکیورٹی سے متعلق بین الاقوامی ضوابط کے بھی منافی ہے۔
ادارے نے مزید بتایا کہ گزشتہ سال جون میں بھی امریکا نے ایران کی تین جوہری تنصیبات نطنز، فردو اور اصفہان کو نشانہ بنایا تھا۔ اس وقت ڈونلڈ ٹرمپ نے دعویٰ کیا تھا کہ ایران کی جوہری تنصیبات کو مکمل طور پر تباہ کر دیا گیا ہے۔
