تہران: ایرانی میڈیا کے مطابق پاسدارانِ انقلاب نے دعویٰ کیا ہے کہ اسرائیل کا ایک F-16 طیارہ علی الصبح 3 بج کر 45 منٹ پر ایران کے فضائی دفاعی نظام کے ذریعے نشانہ بنا کر تباہ کر دیا گیا۔
پاسدارانِ انقلاب کے مطابق مذکورہ اسرائیلی طیارے کو وسطی ایران میں نشانہ بنایا گیا۔
بیان میں مزید کہا گیا ہے کہ جنگ کے ابتدائی تین ہفتوں کے دوران 200 سے زائد فضائی اہداف جن میں ڈرونز، کروز میزائل، ایندھن فراہم کرنے والے طیارے اور جدید جنگی جہاز شامل ہیںکی کامیاب نگرانی اور تباہی اس امر کی عکاسی کرتی ہے کہ ایران کی فضائی حدود میں نگرانی، دشمن کی بروقت شناخت اور ردعمل کی صلاحیت میں نمایاں اضافہ ہوا ہے۔
